Сахалар, олус чаҕылхай сулус сиргэ дьыбары түһэрэр диэн өйдөбүллээхтэрэ. Ону номохтортон билэбит. Биирдэ, Хамыйах Сулус күнү-ыйы сабардыы улаатан тахсыбыт. Сиргэ кыһын уһаан, тымныы чиҥээн киһи аймах эстэрэ буолбут. Онуоха биир удаҕан кыыс баара кыыран халлааҥҥа көппүт. Хамыйах сулуска тиийэн үҥүүтүнэн дьөлө көйөн барбыт. Балачча обургу эмтэркэйдэри аллараа дойдуга утаарбыт. Ким да удаҕан кыырарын көрүө суохтаах эбит. Ол эрээри биир дьахтар тулуйумна түннүгүнэн көрбүт. Онуоха удаҕан сууллан түспүт. Төһө да ситэри көйөбөтөр, тымныы уҕараабыт. Чолбон сулус эмиэ олус чаҕылхай, улахан буоллаҕына күүстээх дьыбар түһэр. П. А. Ойуунускай «Улуу Кудаҥса» айымньытыгар Чолбон улаатан, тымныы өлүүнү-сүтүүну аҕалбыт. Онуоха, Улуу Кудаҥса ойуунун Чачыгыр Тааһы соруйан, Чолбону сүгэнэн кэттэрэр. Ортолуу кэрдэ турдаҕына эмиэ биир дьахтар хотон түннүгүнэн көрөн, ойуун төннөн түһэр. Дьыбар балачча уоһуннар да хаалбыт. Сирдээҕи олох халлаан эттиктэриттэн тутулуктааҕын саха бэркэ билэрэ.
Адрес редакции:
677000, г.Якутск, ул.Орджоникидзе, 31, 3-й этаж, каб. 303
dalbar20120@mail.ru
+7-924-369-61-79
Все права защищены.
Полное или частичное копирование материалов Сайта в коммерческих целях разрешено только с письменного разрешения владельца Сайта.
В случае обнаружения нарушений, виновные лица могут быть привлечены к ответственности в соответствии с действующим законодательством Российской Федерации.