Бүгүн эһиэхэ, айылҕабыт тыынын тутан турар ытык маспыт — тиит туһунан кэпсиим. Тиит силиһэ сир үрдүнэн барар буолан, ирбэт тоҥу тутан турар. Ыам ыйын бастакы аҥарыттан мутукчалыыр. Бэс ыйыгар ситэр. Туорааҕа атырдьах ыйын саҥатыттан балаҕан ыйын саҥатыгар диэри ситэр уонна ылааҥы күннэргэ саккырыыр. Тиит бэрт эрэйинэн, бытааннык үүнэр, ол иһин бастыҥ хаачыстыбалаах,үйэлээх. Бэл, ууга турар Венеция куорат Сибиир тиит маһыгар үктэллэнэн тутуллубут уонна баччаҕа диэри турар. Тиит мас бэрдийдэ5инэ, таастыйа бөҕөргүүр. «Саха маһынан» аатырбыт тииппит, олус эмтээх. Мутукчата, саҥа тахсыбыт лабаата, туорааҕа, сымалата, бэл күлэ, хатырыга туттуллаллар. Сымалатын скипидар оҥорон: дьарҕа, сүһүөх ыарыытыгар, эт, иҥиир быстыытыгар, невралгияҕа а5ыныахха тутталлар. Мутукча уутун, тураах суурадаһынын, үрүҥ күлүн: үөһээҥҥи тыынар уорганнарга, тымныйыыга, олохсуйбут сөтөлу хоннорорго, күөмэй ириҥэтин таттарарга, тыҥа сүһүрүүтугэр, цинга5а, бааһы ыраастыырга, бүөр, үөс тааһырыытын, искэн курдук ыарыылары кыайыан сөп.
