Сэтинньи 27 — 30 күннэригэр дойду тэбэр сүрэҕэр Москуба куоракка
РФ култууратын министиэристибэтэ, В. Д.Поленова аатынан норуот айымньытын Арассыыйатааҕы судаарыстыбаннай дьиэтэ уонна култуура Арассыыйа национальнай бырайыактара тэрийэн ыыппыт «Арассыыйа норуоттарын үйэлээх баайын матырыйаалнайа суох этнокултуурнай нэһилиэстибэтибэлэрин үйэтитиигэ ыытыллар үлэлэлэр» — диэн норуоттар икки ардыларынааҕы форум үс сиринэн РФ култууратын министерстватыгар, «Вега» гостиница мунньахтыыр саалатыгар уонна Коломна куорат култууратын дыбарыаһыгар ыытылынна. Санатар буоллахха Саха хомуһа уонна оһуокайа Арассыыйа норуотун киһи-аймах матырыйаалынайа суох үйэлээх баайынан билиммитэ Шедевр буолбута. Арктикатааҕы култуура уонна искусства судаарыстыбаннай институтун искусствоведение кафедратын профессора, искусствоведение доктара Оксана Эдуардовна Добжанская Саха хомуһун, оһуокайын, ыһыаҕын туһунан дакылаат оҥордо, быраактыка өттүн оһуокайдаан көрдөрөрдүлэр Сунтаар улууһун биллэр-көстөр оһуокайдьыттара Түбэй нэһ. Михаил Михалович Евсеев — Кураһаай Мэхээлэ, Элгээйи нэһ. «Дьүһүйүү» норуодунай ансаамбыл сал. Евдокия Захарова, Саха тылын учуутала Людмила Павлова, Кутана нэһ. Оҕо дьоҕурун сайыннарар киин уһуйааччыта, Мария Афанасьева, Сунтаартан, С. А. Зверев — Кыыл Уолун аатынан фольклор исписэлииһэ Александра Яковлева. Ону тэҥэ бу форумҥа, Арассыыйа норуотун киһи — аймах үйэлээх баайыгар киирбит Алтай, Дагестан, Крым, Карелия Өрөспүүбүлүкэлэрэ, Сахалин уокуругуга, Ростов, Липецк уобаластар бэйэлэрин норуоттарын култуурнай нэһилиэстибэлэрин көрдөрдүлэр, дакылаат аахтылар. Саха сириттэн Дьокуускай куораттан Өрөспүүбүлүкэтээҕи норуот айымньытын дьиэтиттэн директор Сергей Степанович Семенов, фольклор исписэлииһэ Александра Васильевна Васильева, эдэр хомусчуттар, Намтан Геннадий Игнатьев, Мэҥэ-Хаҥаластан Мария Иванова кыттыыны ыллылар. Форум сүрүн суолтата Арассыйаҕа олорор норуоттар былыр- былыргыттан, үйэттэн-үйэҕэ илдьэ кэлбит төрүт култуураларын, этнокултуурнай нэһилиэстибэлэрин үөрэтии, чинчийии, үйэтитии, харыстааһын. Сүдү суолталаах форумҥа сырытыннарбыт дьоммутугар махталбытын биллэрэбит, Өрөспүүбүлүкэтээҕи норуот айымньытын дьиэтигэр Сергей Степановичка, Александра Васильевнаҕа, Сунтаар улууһун култууратын уонна айылгытын салалтатыгар сал. Саргылана Дмитриевнаҕа уонна өйөөн — өйдөөн ыыппыт бииргэ үлэлиир дьомүтугар.
Суруйда Александра Яковлева
