Кулун тутар 17 күнүттэн Табаһыттар VI-с сийиэстэрин иһинэн буолар тэрээһиннэр саҕаланнылар.
Бүгүн, кулун тутар 18 күнүгэр, А.Е. Кулаковскай аатынан култуура киинигэр бэртээхэй быыстапка аһылынна. Манна өрөспүүбүлүкэбит хоту улуустарын норуот маастардара, иистэньэҥнэрэ, уран тарбахтаахтара кытталлар. Көрүҥ эрэ, хайдахтаах курдук уус үлэлэр баалларын! 😍
Оттон кулун тутар 20 күнүгэр Сайсары күөлүгэр аҕыйах ахсааннаах хотугу норуоттар национальнай таҥастарын уонна табаһыттар кэтэр таҥастарын көрдөрөр хаамыы буолуоҕа. Манна 130 тахса хотугу норуоттар бэрэстэбиитэллэрэ кыттыахтара.
Бу күн эмиэ Сайсары эбэҕэ «Көс олохтоох ыал» өрөспүүбүлүкэтээҕи куонкурус ыытыллыаҕа.
