Үбүлүөйдээх сылбытын түмүктүүр «Далбар Хотун» сурунаал 8-с нүөмэрэ номнуо таҕыста. Бырааһынньыктааҕы нүөмэргэ ааҕарга тиэтэйиҥ:
– «Саха театрын килбиэннээх аата – Евдокия Гоголева» туһунан Валентина Семенова суруйуутун.
– Анастасия Диодорова ийэтин олоҕун тургутууларын туһунан “Чыпчааллары дабайан, сулустуу чаҕылыйан” диэн Елена Иванова матырыйаалын.
– Ульяна Винокурова “Дьоллоох киһи – дойдумсах” диэн ыстатыйатын.
– «Дьүкээбил суһума угуйар» диэҥҥэ Муома улууһун Улахан Чыыстай нэһилиэгин элбэх оҕолоох Соловьевтар ыал туһунан ааҕыҥ. Ааптар Сардаана Кузьмина.
– Эдэр ыал Теряновтар Саҥа дьылга симэммит алыптаах алаһаларыгар ыалдьыттыахха.
– Үүнэр 2025 сылга туох күүтэрий? Ол туһунан айылҕалаах далбар хотуттар билгэлэрин ааҕыҥ.
– “Далбар олбох” рубрикаҕа урбаанньыт, “Сэрбэкэ” маҕаһыын, «Махтал» эрэстэрээн о.д.а. тэрилтэлэр хотуна Ньургустаана Лукиналыын истиҥ кэпсэтиини сэһэргээҥ.
– Сурунаал сирэйин киэргэппит баата оонньуурдары оҥорууга Туйаара Никифорова маастар-кылааһыгар үөрэниҥ. Ону таһынан, муода, бырааһынньыктааҕы остуолу киэргэтии, уһун өрөбүллэри дьиэ кэргэни кытта сэргэхтик атаарарга араас оонньуулар, минньигэс бүлүүдэлэр ырысыаптара киирдилэр.
– Саҥа дьыллааҕы нүөмэрбит аккырыыкка бэлэхтээх. Манна чугас дьоҥҥутугар истиҥ тыллары суруйаҥҥыт сурунаалы кытта бэлэх уунуоххутун сөп.
Сурунаал «Бэчээт дьиэтин» 125 каб (Орджоникидзе уул 31) куруук атыыга баар. Оттон киоскаларга бу күннэргэ тахсыаҕа.
