«Сибирь» диэн аат тыл хантан кэлбит төрдүн-төбөтүн булар мөккүөр уҕараабат. 1581 с. Ермак Сибирь саарыстыбатын киинигэр Искер дуу Сибирь дуу диэн куоракка киирбит диэн суруйаллар. Искер — татаар тылынан «түҥ былыргы» диэн тыл. Аны, сорох учуонайдар Искер-Сибирь олохтоох ханты-манси омуктар тыллара буолбатах, Урал биистэрин ууһа ногайдартан ылбыт тыллара дииллэр. Сорохтор, бу чахчы татаар «сибирмак» (ыраастыыр) диэн туохтуур тылыттан тахсыбыт тылыгар хабаатталлар. Тунгусоведтар «Сибир, сивир» — «сир», «эйэ» диэн эбээн тыла дииллэр. «Шибир» — «маар-бадараан» диэн монгол тылыгар охтооччулар эмиэ бааллар. Эһиги маны туох дии саныыгыт, чахчы улуу Сибиир ханнык омук тылыттан ааттаммыта буолуой?
