Бу хатыҥ туоһунан оҥоһуллубут хартыыналар, кыыс оҕо сирдээҕи аналынан эргэ тахсан ыарахан буолуоҕуттан, ийэ, эбээ буолар дьолун көрдөрөллөр. Ол барыта 12 хартыынаҕа ойууланан, кэллиэксийэ буолан тахсыбыта киһини сөхтөрөр. «Оттон ааптара кимий?» — диэн ыйытар эбит буоллаххытына, «Далбар Хотун — 2017» күрэс кыайыылааҕа Туйаара Егорова буолар. Кини Мэҥэ-Хаҥалас улууһун Суолатыттан төрүттээх, оскуолаҕа үлэлиир. Туйаара бу үлэтин түөрт сыл кэриҥэ оҥоробут. Бу соторутааҕыта Бутун Арассыыйатааҕы күрэскэ кыттан лауреат үрдүк аатын ылан, иккис туурга Москубаҕа ыҥырыллыбытын туһунан үөрүүлээх сонунун үллэһиннэ. Ону таһынан, салгыы эмиэ маннык хартыыналары оҥорор былааннааҕын туһунан эттэ. Кэрэни айар далбар хотуҥҥа — Туйаарабытыгар күүрээннээх айар үлэни, сыанабылы баҕарабыт.
