Ахсынньы 12 күнүгэр «Далбар хотун» сурунаал Төҥүлү нэһилиэгин «Доруобуйа» түмсүү далбардарын кытта көрүстэ.
Бу күн олохтоохтор сурунаал үлэһиттэрин «Сайдам» общественнай түмсүү дьиэтигэр үөрэ-көтө көрүстүлэр.
«ДОРУОБУЙА» тигинэччи үлэлии олорор, олус көхтөөх түмсүү. Манна 43 далбар ииһинэн эр буолбакка, кинигэ таһаарыытынынан, аһымал көмөнөн, анал байыаннай дьайыыга сылдьар уолаттарга ичигэс таҥаһынан күүс-көмө буолаллар.
Көрсүһүүгэ бары кэриэтэ кыһыҥҥы сахалыы толору көрүөхтэн кэрэ таҥастарын кэтэн кэлэннэр сөхтөрдүлэр. Бу соннор 2010-2011 сыллардаахха тигиллэннэр Аан дойду быыстапкаларыгар араас дьон биһирэбилин ылбыттар. Иилээбит-саҕалаабыт киһинэн Валентина Владимировна Цыпандина буолар.
Бу күн сурунаал суруйааччы Галина Нельбисованы сүрүн ыалдьыт гынан илдьэ кэлбитэ сүгүрүйээччилэригэр ураты үөрүү буолла.
Кэлбит дьүөгэлэрбит Галина Васильевна айымньыларын ырытыһан, ыйытыылары биэрэн, сурунаал тула санааларын үллэстэн, ирэ-хоро кэпсэтэн, тапталлаах сурунаалларыгар хамаҕатык сурутан тарҕастылар.
