Мин Виктория Бястинова диэммин. Оҕо эрдэхпиттэн спордунан дьарыктанабын. Ол иһин, аһылыкпын көрүнэбин. Иҥэмтэлээх, дьиҥнээх, сөптөөх аһы ордоробун. Эһиэхэ анаан бэйэм сарсыарда сиир, түргэнник оҥоһуллар эрээри олус минньигэс уонна туһалаах бүлүүдэлэрбин таһаарабын.
Салгыннаах сымыыт
Биир өлүүгэ:
Үс сымыыт
ыстакаан аҥара үүт
«черри» помидор
сыыр
петрушка
базилик
туус
Сымыыттары миискэҕэ түргэнник булкуй уонна үүтү, тууһу, базилигы кырбаан кут. Сымыыт салгыннаах буоларын курдук өссө булкуйан биэр. Хобордооҕу мас арыытынан сот уонна икки гына аҥардаммыт помидордары кутан кыратык ыһаарылаа. Оттон сымыыты кутан булкуйбакка эрэ мөлтөх уокка туруор. Буспутун кэннэ тэриэлкэҕэ ыл уонна үрдүн теркаламмын сыырынан, кырбаммыт петрушканан киэргэт.
Дьаабылакалаах панкейк
Биир өлүүгэ:
Икки сымыыт
Биир дьаабылака
Биир ыстакаан эбиэс куруппата (эбэтэр бурдук)
Икки ост. нь. үүт
Биир ост. нь. мас арыыта
Бастаан барытын блендеринэн ытый. Оттон итии хобордооххо алаадьы курдук кутан буһар. Панкейк үрдэгэр хабах курдук үллэн таҕыстаҕына эргит.
Сырник
Биир хаа иэдьэгэй
Биэс ост. нь. бурдук
Икки ост. нь. саахар
Биир сымыыт
Туус
Барытын миискэҕэ кут уонна буккуй. Сыстаҥнаабат буолуор диэри бурдук кутан мэһий. Кыра төгүрүктэри оҥоро-оҥоро хаптатан ис. Ыһаарылыан иннинэ бурдукка уган ыларгын умнума.
Бананнаах смузи
Биир өлүүгэ:
Биир банан
Биир киви
Ыстакаан аҥара отон
Барытын блендеринэн ытый. Смузи утахха элбэх фрукта, отон кутуллар. Онон олус калорийдаах ас. Сарсыардааҥы аһылыкка ордук барсар.
