Саха сирин киин уонна соҕуруу улуустарыгар тарҕаммыт Хонуу куохалаһа сүрдээх эмтээх. Отоһуттар куохалаһы сибэккитэ сиппитин кэннэ хомуйан хатараллар, испииргэ туруораллар, мэлийэн суурадаһын оҥороллор, оргутан иһэллэр. Өлүүтүн таптахха олус туһалаах, оттон сыыстахха сүрэҕи биллигирэтэр эбэтэр утуктуу сылдьар оҥорор. Ол эрээри аллергията суох дииллэр. Туһалыыр, эмтиир ыарыылара: утуйбат буолууттан, арамачыыстан, титирииртэн, үллүгүнэйэртэн, таттарартан. Ис ыарыйдаҕына, хаан бардаҕына, дьахтар ыарыыларыгар, экземэгэ, тиис ыарыытыгар, кыһыылаах ымынахха барытыгар тутталлар. Абыраллаах үүнээйини туттуҥ, эмтэниҥ, харыстааҥ.
