-Дьуонап биһиги дойдубутугар баар эрдэҕинэ хортуоппуй олордоро. Сайыҥҥы Ылдьыын кэннинээҕи хаһыҥ түүнүгэр түптэлээн оҕуруотун хаһыҥтан быыһыыра. Ылдьыын ардаҕын кэнниттэн күүстээх тыал-кус арҕааттан түһэр. Халлаан халлар, оччоҕо ол түүн хаһыҥ эрэбил түһэр. Ол иннинэ оҕуруот таһыгар төгүрүччү сүөһү киитин, көтөҕөну эҥин түптэҕэ бэлэмниигин. Ону ардахха сытыппаккын. Түптэлиэх иннинэ умайбыт киини тута сылдьан оҕуруоту төгүрүччү хаамаҕын. Кии буруотун хайа өттүттэн тыал охсорун көрөн, ол тыал түһэр өттүгэр түптэни уматаҕын. Оччоҕо буруота оҕуруот үрдүгэр тарҕанар. Буруо саҥа быкпыт хортуоппуйу бэккэ быыһыыр. Маннык кыра суолу сүрэҕэлдьээн бэлэмнээбэт киһи бүтүн кыһыны толуйар аһыттан матар.
Далбар Хотун сурунаал.
