«Далбар Хотун» ХV өрөспүүбүлүкэтээҕи күрэс БАЛАһЫАННЬАТА

    1. Балаһыанньа Далбар Хотун-2026 (pdf 96kb)
    2. Анкета2026 (13кб word)
      Анкетаны толорон баран электроннай почтаҕа ыытаргытын күүтэбит
      dalbar2010@mail.ru

«Далбар Хотун» ХV өрөспүүбүлүкэтээҕи күрэс

БАЛАһЫАННЬАТА

1.Уопсай балаһыанньата

1.1 Балаһыанньа XV өрөспүүбүлүкэтээҕи «Далбар Хотун — 2026» күрэс ыытыллар бэрээдэгин чэрчилиир.

1.2.    2026 сыллааҕы XV өрөспүүбүлүкэтээҕи «Далбар Хотун»    күрэс СӨ «Сахабэчээт» автономнай тэрилтэтин, «Далбар Хотун»    сурунаал редакциятын, СӨ Тыа хаһаайыстыбатыгар уонна ас-үөл бэлиитикэтигэр министерствотын, Дьокуускай куорат уокуругун дьаһалтатын холбоһуктаах бырайыактарынан буолар.

1.3 «Далбар Хотун» күрэс – СӨ Ил Дархана бигэргэппит дьиэ кэргэҥҥэ итиэннэ демографияҕа сыһыаннаах бэлиитикэтин сүрүн хайысхаларын өйүүр сыалтан олохтоммут өрөспүүбүлүкэтээҕи бырайыак. «Далбар Хотун — 2026» күрэс тыа сиригэр уутуйан олорор, тыа хаһаайыстыбатын тэрилтэтигэр үлэлиир, өбүгэ үгэһин, төрүт дьарыгын, тыа сиригэр утумнаахтык олохсуйан олорор элбэх оҕолоох дьиэ кэргэни өйүүр. Тыа сирин дьахтарын хайҕаллаах өрүттэригэр дьон-сэргэ сүгүрүйэ үөрэнэрин, уус тарбахтаах өбүгэлэриттэн тиксибит айымньылаах төрүт үгэстэрэ салҕанарын уонна өрүү болҕомтоҕо сылдьарын ситиһэр.

1.4 Сайаапкалары 2026 с. тохсунньу 1 күнүттэн олунньу 15 күнүгэр диэри хомуйуу буолар.

1.5 Түмүктүүр күрэс 2026 с. кулун тутар 6 күнүгэр ыытыллар.

  1. Күрэс сыала, соруктара

2.1 Күрэс сыала: сахалыы сиэрдээх, өбүгэ үгэһинэн тыа сиригэр ньир- бааччы олорор, үлэлиир саха ыалыгар, ийэтигэр уопсастыба болҕомтотун тардан, холобур быһыытынан көрдөрүү.

  1. 2 Соруктара:

— норуокка чөл олохтоох ыал, ийэ буоларга баҕа санааны туругурдуу;

— уопсастыбаҕа чэгиэн-чэбдик, олоххо баҕалаах, үөрэххэ уонна үлэҕэ көхтөөх оҕолору иитэр истиҥ ийэ, сатабыллаах хаһаайка үтүө холобурун олохтооһун;

— тыа сирин ийэлэрин ситиһиигэ көҕүлээһин;

— элбэх оҕолоох ийэлэргэ уонна дьиэ кэргэҥҥэ ытыктабылы олохтооһун.

  1. Күрэскэ кыттыы ирдэбиллэрэ

3.1 Күрэскэ 45-тэн 60-гар диэри саастаах, кэргэннээх, үс эбэтэр онтон элбэх оҕолоох, тыа сиригэр олорор, тыа хаһаайыстыбатын тэрилтэтигэр үлэлиир эбэтэр кэтэх хаһаайыстыбалаах дьахталлар кытталлар.

3.2 Сайаапканы 2026 с. тохсунньу 1 күнүттэн олунньу 15 күнүгэр диэри dalbar2010@mail.ru «Далбар хотун» сурунаал электроннай аадырыһыгар тутабыт:

— сайаапка-анкета (dalbarhotyn.ru — «Далбар Хотун» сайтыгар баар буолуо);

3.3 Киирбит сайаапкалары сурунаал редколлегиятын чилиэннэрэ көрөн, Күрэс түмүктүүр түһүмэҕэр кыттарга Сэттэ далбары талаллар.

  1. Күрэс түмүктүүр түһүмэҕин ыытыы бэрээдэгэ

4.1 Сүүмэрдээһини ааспыт сэттэ далбар “Далбар Хотун” сурунаалга 2026 сыл иккис аҥарыгар 50 экземплярга суруттараллара булгуччулаах.

4.2 Күрэс түмүктүүр түһүмэҕэр атыыламмыт билиэттэн киирбит үп АБДь (СВО) пуондатыгар ыытыллар.

4.3 Күрэс буолуон иннинэ сурунаал куйаар ситимигэр «Биһирэм Хотун» ааты сүгэргэ куоластааһын буолар. Кыайыылаах тахсыбыт далбар аата Күрэс кэмигэр биллэр. Номинацияны ылбыт кыттааччы күрэс кыайыылааҕа буолар кыаҕын сүтэрбэт.

4.4 Күрэс түмүгэ кулун тутар 6 күнүгэр Ю.А. Гагарин аатын култуура уонна ускуустуба киинигэр ыытыллар.

4.5 Күрэс кэмигэр “Далбар Хотун” сурунаалга сурутуу ыытыллар. Сурунаалга суруппуттар лотереяҕа кыттар кыахтаналлар. Лотерея күрэс быыһыгар ыытыллар.

4.6 Күрэс кэмигэр тыа хаһаайыстыбатын тэрилтэлэрин оҥорон таһаарбыт бородууксуйаларын быыстапка-дьаарбаҥката тэриллэр.

  1. Күрэс түһүмэхтэрэ

5.1. Бэйэни билиһиннэрии. Кыттааччы сценаҕа тахсан аатын уонна улууһун этэр, ол кэмҥэ кини туһунан видео-визитка көстөр.

5.2. Кыттааччы талаанын көрдөрөр. (Ыллаан, үҥкүүлээн, музыкальнай тэрилгэ оонньоон эбэтэр атын айар дьоҕурун көрдөрөр). Регламент — 7 мүн. (бириэмэни тутуһуу булгуччулаах)

5.2. Ас күрэҕэ. Кыттааччы бэйэ оҥорон таһаарар аһыттан бүлүүдэни эрдэ астаан аҕалан көрдөрүүгэ туруорар. Бүлүүдэ ахсаана хааччахтаммат. Бүлүүдэлэр көрөөччүлэргэ аукцион быһыытынан атыыланаллар. Киирбит үп “Далбар Хотун” күрэс пуондатыгар барар.

5.3. Киэһээҥҥи былааччыйалаах хаамыы. Кыттааччылар киэһээҥҥи мааны былааччыйаларынан хааман көрдөрөллөр.

  1. Кыайыылааҕы быһаарар ирдэбиллэр

Кыайыылаахтары дьүүллүүр сүбэ быһаарар. Дьүүллүүр сүбэ састаабын тэрийээччилэр бигэргэтэллэр.

  1. Наҕараадалааһын

Күрэс түмүгүнэн маннык ааттар иҥэриллэллэр:

  1. Талба Хотун
  2. Ийэ Хотун
  3. Уран Хотун
  4. Байылыат Хотун
  5. Айыы Хотун
  6. Сайдам Хотун
  7. Хоһуун Хотун

«ДалбарХотун» — Кыайыылаах

“Биһирэм Хотун” — Көрөөччү биһирэбилэ

Кыттыы, тэрээһин боппуруостарыгар 8 (914)-252-02-54; 8 (924)176-66-45 (бассаап нөҥүө) эбэтэр Dalbar2010@mail.ru электроннай аадырыска суруйан билсиэххэ сөп.

Бу балаһыанньаҕа уларыйыылар киириэхтэрин сөп.

Күрэс балаһыанньата СӨ Тыа хаһаайыстыбатын уонна ас-үөл бэлиитикэтигэр министерствотыгар, Дьокуускай куорат уокуругун дьаһалтатыгар, СӨ улуустарын баһылыктарыгар ыытыллар, “Ulus Media”, “Далбар Хотун” саайтарыгар тахсар.

 

  1. Балаһыанньа Далбар Хотун-2026 (маны баттаа, pdf 96kb)
  2. Анкета2026 (13кб word)