Бүгүн, алтынньы 6 күнүгэр Саха норуотун суруйааччыта, СӨ суруйааччыларын сойууһун чилиэнэ, Саха Өрөспүүбүлүкэтин норуотун хаһаайыстыбатын үтүөлээх үлэһитэ Дмитрий Федосеевич Наумов төрөөбүт күнэ.
Сахалыы тыллаах дьон Миитэрэй Наумовы билэллэрэ саарбаҕа суох. Төрөөбүт-үөскээбит дэриэбинэбитин таптыырбыт курдук таптыыбыт суруйааччы кэпсээннэрин. Саха дьоно дьоллоох буоламмыт бу курдук хааһахтан хостонор курдук эр-биир дьиҥ талааннар тахсан, норуоту уһун тыынныыллар, өлбөт үөстүүллэр. Миитэрэй Наумов суруйар тыла ураты мааны, үөрбүттүү түргэн, чэгиэн, сыыдам. Тыыннаах тыллар махтаммыттыы ураты бэйэлээх өйдөбүлгэ сааһыланан иһэллэр. Дьиҥ норуот суруйааччыта бу курдук эйгэлээх буолуохтаах.
Кини көй салгыннаах, түптэ буруота сыттаах, хаар курдук чэбдик, сырдык айымньылара тахса турдуннар, дьоллуу турдуннар!
