Бүгүҥҥэттэн ыраах айанныыр суоппардар өрөспүүбүлүкэтээҕи күрэхтэрэ саҕаланна. Дьон кутун туппут бэртээхэй бырайыагы Саха сирин Дальнобойщиктарын Ассоциацията Саха НКИХ кытта бииргэ толкуйдаан таһаарбыттар.
«Быйыл эмиэ 10 суоппар кыттар. Биһиги балаһыанньа быһыытынан ким кыттарын эрдэттэн билбэппит. Бүгүн бэйэлэрин билиһиннэриэхтэрэ, сарсын ас астыахтара, онтон дьэ тус үлэлэринэн ким ордук билиилээҕэр, сымсатыгар, түргэнигэр күөн көрсүөхтэрэ. Күрэхпитин дьон олус сөбүлээбитэ. Быйыл эмиэ 10 күн устата НВК-ҕа көстүөҕэ», — диир Ассоциация салайааччыта Евдокия ДЬЯЧКОВСКАЯ.
Ыарахан кыамталаах улахан массыына суоппардарын үлэтин суолтатын өрө таһаарар аналлаах бөдөҥ күрэҕи тэрийэр улахан үлэттэн тахсар. Маныаха Ассоциация чилиэннэрэ *Филиппов Федор Семенович, Герасимов Фрументий Михайлович* тус кылааттарын бэлиэтиир сиэрдээх.
«Далбар Хотун» сурунаал Дальнобойщиктар Ассоциацияларын кытта доҕордуу буоларбытынан, анал Туоһу суругу туттарыахпыт уонна ас астааһын күрэҕэр дьүүллүүр сүбэҕэ киириэхпит.
ЫРААХ АЙАН СУОППАРДАРА, КЫТААТЫҤ!
