Тумалаах моркуоп
Түргэнник уонна судургутук астанар амтана олус минньигэс. Дьоро күҥҥэ остуолга ууруохха сөп.
Астыырга ирдэнэр:
• Моркуоп – 500 г
• Туус – 1 кыра ньуоска
Тумата:
• Мас арыыта (кунжут эбэтэр олива киэнэ) – 4 улахан ньуоска
• Петрушка – 1 тутум
• Мүөт – 1 кыра ньуоска
• Чеснок – 3 өлүүскэ
• Туус – кыра ньуоска ½
• Паприка бороһуога – 1 кыра ньуоска
• Аһыы кыһыл биэрэс бороһуога — кыра ньуоска ½
• Зира – ½ кыра ньуоска
• Лимон сүмэһинэ – ½ кыра ньуоска
Астааһына:
1. Ыраастаммыт, төкүнүк гына кырбастаммыт (1–1,5 см) моркуобу туустаах ууга 10–15 мүнүүтэ буһаран ыл. Моркуоп олус сымнаҕас буолуо суохтаах.
2. Туматын оҥорорго миискэҕэ лимон сүмэһинин, тууһу кытта буккуллубут чесногу, кырбастаммыт петрушка отун, мүөтү, мас арыытын, зираны, биэрэстэри барытын бииргэ булкуй.
3. Буспут моркуобу туманы кытта холбоо.
4. Чаас кэриҥэ холодильникка туруоран сойут.
Хортуоппуйдаах варениктар
Вареник минньигэһин ааһан бэрт тотоойу аһылык.
Тиэстэтигэр ирдэнэр:
• Уу – 120 мл
• Сымыыт – 1 устуука
• Бурдук – 300 г
• Туус – 1 кымаах
Туолбатыгар:
• Хортуоппуй – 500 г
• Эриэппэ луук – 1 устуука
• Туус, биэрэс сөбүлүүргүнэн
• Мас арыыта – ыһаарылыырга
• Сүөгэй – сииргэ
Астааһына:
1. Хортуоппуйу ууга буһар, ньыһый.
2. Луугу түөрт муннуктуу кырбаа уонна арыыга саһарчы гына ыһаарылаа, ньыһыллыбыт хортуоппуйга эбэн биэр.
3. Бурдугу сиидэлээ, ортотугар ууну, сымыыты, тууһу кутан булкуй. Тиэстэни мэһий.
4. Тиэстэни хас да чааска араар, чараас гына тэлгэт.
5. 6 см кэтиттээх халыыбынан төкүнүктэри бысталаа, ньыһыллыбыт хортуоппуйу ууран варениктары оҥортоо. Бэлэм варениктары тоҥор.
6. Туустаах оргуйбут ууга 3–4 мүнүүтэ устата буһар.
7. Бэлэм сылаас варениктар үрдүлэригэр ынах арыытын кутан ууллар. Остуолга ууруон иннинэ кырбастаммыт укуруобу, күөх луугу таммалатыахха сөп.
8. Сүөгэйи кытта минньигэстик сиэҥ.
Тунецтаах салаат
Бу салааты астыыр ньыма элбэх. Биһиги холодильникка туох баарын көрөммүт астыахпыт.
Ирдэнэр:
• Кэнсиэрбэлэммит тунец
• Түөрт муннук гына кырбастаммыт сибиэһэй оҕурсу
• Кырбастаммыт Пекин хаппыыстата
• Буспут сымыыт
• Кэнсиэрбэлэммит кукуруза
• Сүөгэй
• Туус
• Биэрэс
Астааһына:
Барытын бииргэ холбоо, булкуй. Салаат бэлэм!
Дьаабылыкалаах бөрүөк
Бу бөрүөк уратыта диэн дьаабылыката элбэх буолар.
Ирдэнэр:
• Сымыыт – 2 устуука
• Саахар — 80 г
• Үүт – 100 мл
• Бурдук – 200 г
• Разрыхлитель – 10 г
• Дьаабылыка – 4 устуука
• Үрдүгэр таммалатарга корица уонна мэлии саахар
Астааһына:
1. Сууйуллубут, ортото ылыллыбыт дьаабылыканы синньигэс өлүүскэлэргэ кырбастаа.
2. Халыыбы ынах арыытынан сот, үрдүгэр кырбастаммыт дьаабылыкалары хас да
араҥанан уурталааа. Араҥалар быыстарыгар корицаны уонна мэлии саахары таммалат.
3. Дириҥ миискэҕэ сымыыты уонна саахары күгэннириэр диэри мэһий. Үүттээ, онно сиидэлэммит бурдугу, разрыхлители кутан булкуй. Тиэстэ олус хойуу буолуо суохтаах.
4. Тиэстэни дьаабылыка үрдүгэр кут.
5. 180 кыраадыска диэри итийбит духуопкаҕа быһа холоон 30–40 мүнүүтэ буһар.
6. Буспут бөрүөгү мэлии саахарынан киэргэтиэххэ, мороженайы кытта остуолга
ууруохха сөп.
Татьяна Пестрякова
