• Ыыһаммыт куурусса эбэтэр ветчина
• Оҕурсу – 1 уст.
• Сымыыт – 5 уст.
• Моркуоп – 1 уст.
• Луук аҥаара
• Майонез
• Туус – к.нь. аҥара
Луугу кыра гына кырбастаа, моркуобу теркалаа, ыһаарылаа уонна сойута уур. Сымыыты бөдөҥнүү буһар. Ыыһаммыт кууруссаны тириитин ыраастаа, уһун синньигэс гына кырбастаа. Оҕурсуну, сымыыты эмиэ уһун синньигэс гына кырбастаа. Барытын булкуй. Тотоойу, түргэн салаат.
Расстегай
• Бурдук – 375 г
• Үүт – 125 мл
• Сымыыт – 1 уст.
• Сүөгэй 15% – 230 г
• Туус – 1 к. нь.
• Көпсөтүү – к. нь. аҥара
Начыыҥҥа:
• Уомул – 700 г
• Сымыыт – 2 уст.
• Моркуоп – 1/3
• Луук – 1
• Хара биэрэс
Бастаан начыынын астаа. Сымыыты бөдөҥнүү буһар, балык уҥуоҕун итигэстээ. Лууктаах моркуобу теркалаа уонна мас арыытыгар ыһаарылаа. Балыгы, сымыыты кут, туустаа, тумалаа. Хаппах анныгар мөлтөх уокка туруор. Уута-хаара бүтүннүү көтүө суохтаах. Тиэстэни оҥорорго үүккэ сымыыты, сүөгэйи, тууһу, бүтэһигинэн көпсөтүүнү кутан булкуй. Уонна бурдукка кутан тиэстэни мэһий. Бэлэм тиэстэни 30 мүнүүтэ
тымныыга туруор. Сынньаммыт тиэстэни чараас гына тэнит (бу тиэстэттэн 17 расстегай тахсар). Начыыны тиэстэ ортото ууран үс муннуктары оҥортоо. Ортотугар дьөлөҕөстө хааллар, сымыыт уоһаҕынан сот. 1800С кыраадыска диэри сылыйбыт духуопкаҕа буһар.
Духуопкаҕа буспут убаһа этэ
• Убаһа этэ
• Чеснок – 2 өлүү
• Соя соус – 3 ул. нь.
• Хартыыһа – 1 к. нь.
• Томат пааста – 3 к. нь.
• Саахар – 2 к. нь.
Чесногы бытархай гына кырбаа, соя соуһун, хартыыһаны, томат паастаны, саахары кытары булкуй. Эти орто кээмэйдээх гына кырбастаа, үрдүгэр маринады кутан булкуй. Эрдэттэн 1800С кыраадыс итийбит дуохуопкаҕа 30–40 мүнүүтэ буһар. Олус симэһиннээх, минньигэс буолар.
Малиналаах лимонад
• Тоҥ малина – 200–250 г
• Газтаах уу – 500–600 мл
• Саахар – 4 ул. нь.
• Лимон
• Лайм
• Муус – быһа холоон 450–500 г
• Мята
Мин бу лимонады 1,5 л иһиккэ оҥоробун. Малинаны саахары кытта ньыһый. Ытыйарга судургу буоллун диэн кыра уута эп. Лимоннаах лаймы кырбастаа уонна мятаны кытта малинаҕа кут. Газтаах ууну кут, булкуй. Мууста эбэн биэр. Куйаас күн тымныы утаҕы-
нан сөрүүкэтин.
Анюта Колодезникова
